Cyfarwyddwr Ystadau Swansea, Wales
Job description
Amdanom ni:
Coleg Gwyr Abertawe yw un o golegau mwyaf Cymru ac mae gennym enw da iawn am addysgu a dysgu o ansawdd uchel. Mae gennym chwe champws ledled y ddinas a dros 4,500 o ddysgwyr amser llawn a 10,000 o ddysgwyr rhan-amser. Ar hyn o bryd, mae gennym drosiant o £50 miliwn, sy’n golygu ein bod yn gyflogwr sylweddol yn y rhanbarth. Rydym yn cyflogi tua 1,000 o staff.
Yng Ngholeg Gwyr Abertawe, rydym yn angerddol am fuddsoddi yn ein staff a gofalu am eu lles, er mwyn sicrhau eu bod yn derbyn cefnogaeth yn y gwaith a gartref.
Y rôl:
Bydd y Cyfarwyddwr Ystadau yn gyfrifol am reoli pob agwedd ar weithgarwch ystadau a chyfleusterau’r Coleg, gan gynnwys Iechyd a Diogelwch a Prosiectau Cyfalaf.
- Amser Llawn - 37 awr yr wythnos
- Swydd barhaol
- tua £60,000
Cyfrifoldebau Allweddol:
- Arwain, rheoli a gweithredu Strategaeth Ystadau’r Coleg.
- Cynllunio adnoddau ffisegol cynhwysfawr ac integredig hirdymor ar gyfer y Coleg, ei gyfadrannau a’i adrannau.
- Rheoli pob agwedd ar weithgarwch ystadau a chyfleusterau’r Coleg, gan gynnwys Iechyd a Diogelwch.
- Cynllunio a threfnu adnoddau i hwyluso prosiectau cyfalaf strategol allweddol.
Amdanoch chi:
- Bydd gennych radd mewn disgyblaeth berthnasol.
- Bydd gennych ddealltwriaeth o agweddau cyfreithiol ac ariannol mewn perthynas â phrosiectau eiddo mawr.
- Byddwch yn meddu ar brofiad o weithio mewn rôl rheoli mewn sefydliad mawr.
- Bydd gennych sgiliau arwain a chynllunio strategol ardderchog.
Buddion:
- 37 diwrnod o wyliau blynyddol a gwyliau banc. Mae’r Coleg ar gau am bythefnos dros gyfnod y Nadolig.
- Cynllun Pensiwn Llywodraeth Leol gyda chyfraniad (ar gyfartaledd) o 21% (2023).
- Ffi ostyngedig o £60 i ymaelodi â champfa’r Coleg, ynghyd â mynediad at hyfforddwr ffitrwydd staff, maethegwr a dosbarthiadau ymarfer corff.
- Cliciwch y linc i ddarganfod rhagor o fuddion: https://www.gcs.ac.uk/cy/recruitment/benefits-and-wellbeing
Rydym yn croesawu ceisiadau gan unigolion, waeth beth fo’u hoedran, rhyw, ethnigrwydd, anabledd, cyfeiriadedd rhywiol, hunaniaeth rhywedd, cefndir economaidd-gymdeithasol, crefydd a/neu gred. Rydym yn croesawu’n arbennig ceisiadau gan grwpiau nad ydynt wedi’u cynrychioli’n ddigonol o fewn ein sefydliad.
Os hoffech ymgymryd â’r broses ymgeisio trwy gyfrwng y Gymraeg, ewch i’n gwefan Cymraeg. Rydym yn annog unigolion i gyflwyno ceisiadau Cymraeg gan ein bod yn cydnabod pwysigrwydd darparu gwasanaethau Cymraeg a’r angen i ehangu gweithlu dwyieithog.
Mae Coleg Gwyr Abertawe yn ymrwymedig i ddiogelu a hyrwyddo lles pobl ifanc ac rydym yn disgwyl i bob aelod o staff gydymffurfio â’r ymrwymiad hwn. Bydd gofyn i’r ymgeisydd llwyddiannus ymgymryd â gwiriad DBS manylach a chofrestru gyda Chyngor Gweithlu Addysg Cymru.
