Find More Than 10K+
United Kingdom Jobs

Amdanom ni:

Coleg Gwyr Abertawe yw un o golegau mwyaf Cymru ac mae gennym enw da iawn am addysgu a dysgu o ansawdd uchel. Mae gennym chwe champws ledled y ddinas a dros 4,500 o ddysgwyr amser llawn a 10,000 o ddysgwyr rhan-amser. Ar hyn o bryd, mae gennym drosiant o £50 miliwn, sy’n golygu ein bod yn gyflogwr sylweddol yn y rhanbarth. Rydym yn cyflogi tua 1,000 o staff.

Yng Ngholeg Gwyr Abertawe, rydym yn angerddol am fuddsoddi yn ein staff a gofalu am eu lles, er mwyn sicrhau eu bod yn derbyn cefnogaeth yn y gwaith a gartref.

Y rôl:

Byddwch yn bennaf yn gweithio yn y dderbynfa, a bydd gofyn ichi weithredu fel pwynt cyswllt cyntaf i gwsmeriaid mewnol ac allanol a myfyrwyr. Yn ogystal, byddwch yn cynnig cyngor ac arweiniad ar bob agwedd ar gymorth dysgu, a bydd gofyn i chi wneud hyn wyneb yn wyneb a thros y ffôn, gan ddarparu gwasanaeth cwsmeriaid rhagorol a hyrwyddo Coleg Gwyr Abertawe.

• Oriau cyflogaeth dros dro - Oriau Amrywiol
• Dyddiau Gwaith rhwng Dydd Llun a Dydd Gwener, Nos, Bore a Prynhawn
• £10.90 yr awr
• Ar draws amrywiol safleoed - Tycoch, Gorseinon, Llys Jiwbili, Plas Sgeti a Llwyn y Bryn.

Cyfrifoldebau Allweddol:

• Dyletswyddau derbynfa dyddiol - bydd hyn yn amrywio o gampws i gampws.
• Gweithredu fel pwynt cyswllt cyntaf i ymwelwyr, gan eu cyfarch yn fewnol ac allanol e.e. paratoi a dosbarthu pasys i ymwelwyr a’u cyfeirio nhw at y mannau cywir.
• Gweithredu fel pwynt cyswllt allweddol wrth ddelio â phob ymholiad, ateb galwadau ffôn ar ran y campws, cymryd negeseuon a’u rhannu gyda’r unigolion cywir ac ateb ymholiadau dros e-bost.
• Dosbarthu post mewnol ac allanol, dileu, dosbarthu a phrosesu archebion e.e. deunyddiau, a sicrhau hefyd bod stoc yn cael ei ddosbarthu.

Amdanoch chi:

• Cymhwyster NVQ Level 2 perthnasol neu’r cyfwerth
• Cymhwyster TGAU mewn Mathemateg a Saesneg (Gradd A-C)
• Profiad o ddefnyddio systemau Microsoft Office a MIS
• Profiad o weithio mewn rôl brysur sy’n ymwneud â chwsmeriaid.

Buddion:

• Parcio am ddim
• Disgowntiau ar gostau astudio os ydych yn astudio un o gyrsiau’r Coleg
• Cynllun Pensiwn Llywodraeth Leol a chyfraniad cyflogwr o 21% ar gyfartaledd (2023)
• Cliciwch y linc i ddarganfod rhagor o fuddion: https://www.gcs.ac.uk/cy/recruitment/benefits-and-wellbeing

Rydym yn croesawu ceisiadau gan unigolion, waeth beth fo’u hoedran, rhyw, ethnigrwydd, anabledd, cyfeiriadedd rhywiol, hunaniaeth rhywedd, cefndir economaidd-gymdeithasol, crefydd a/neu gred. Rydym yn croesawu’n arbennig ceisiadau gan grwpiau nad ydynt wedi’u cynrychioli’n ddigonol o fewn ein sefydliad.

Os hoffech ymgymryd â’r broses ymgeisio trwy gyfrwng y Gymraeg, ewch i’n gwefan Cymraeg. Rydym yn annog unigolion i gyflwyno ceisiadau Cymraeg gan ein bod yn cydnabod pwysigrwydd darparu gwasanaethau Cymraeg a’r angen i ehangu gweithlu dwyieithog.

Mae Coleg Gwyr Abertawe yn ymrwymedig i ddiogelu a hyrwyddo lles pobl ifanc ac rydym yn disgwyl i bob aelod o staff gydymffurfio â’r ymrwymiad hwn. Bydd gofyn i’r ymgeisydd llwyddiannus ymgymryd â gwiriad DBS manylach a chofrestru gyda Chyngor Gweithlu Addysg Cymru.

Rydym yn disgwyl nifer fawr o ymgeiswyr ar gyfer y swydd wag hon. Os derbynnir llawer o geisiadau, efallai y byddwn yn atal unigolion rhag cyflwyno cais cyn y dyddiad penodedig. Awgrymir felly ichi gyflwyno’ch cais yn gynnar.

Fel rheol, bydd penodiadau yn cael eu gwneud ar waelod y raddfa gyflog gyda chynyddrannau blynyddol ar 1 Awst bob blwyddyn (yn amodol ar ddyddiad cychwyn cyn Chwefror 1).